Saida maka MyTelkomcel App no Oinsa atu uza ?

Iha publikasaun ida ne’e Januario Bernardo Blog hakarak halo review ida konaba App Android ida ho naran MyTelkomcel ne’ebe sai hanesan Aplikasaun Android ida husi Telkomcel ho funsaun hanesan tuir mai :

• Konfirma / Cek Saldo ou Pulsa ba Telefone no Mensagem
• Konfirma/ Cek ativasaun Pakote Internet no hare nia valido
• Konfirma / Cek Bonus ne’e ita nia numeru hetan
• Hare Pontus/ Point
• Hare Promosaun ne’ebe Telkomcel oferese
• Konfima no halo ativo RBT
• Seluk tan

Hanesan esplika ona iha leten, barak husi konsumedores Telkomcel maka sedauk hatene konaba aplikasaun ne’e no lahatene oinsa atu instala no uza. Tuir mai, sei esplika oinsa atu instala no uza MyTelkomcel, nia maneira hanesan tuir mai :

• Ba uluk PlayStore iha ita nia Smartphone

• Iha fatin buscar / Searching nian, hakerek My Telkomcel. Sei sai Aplikasaun MyTelkomcel, hili Aplikasaun refere

• Hili Install no hein to'o prosesu instalasaun aplikasaun remata

• Kuandu prosesu Instalasaun remata, hili Buka ka Open hodi bele halo registrasaun ba ita nia Smartphone

• Wainhira Aplikasaun MyTelkomcel loke ona, ita bele hili lingua ne'ebe ita atu uza ba aplikasaun ne'e (Iha lingua Tetun, Ingles, Portugues no Bahasa Indonezia). Sujere deit ita bele hili lingua Tetun nune ita komprende liu, depois hili Sign Up hodi halo registrasaun

• Hatama no preense ita nia numeru Telkomcel ne'ebe ativo no hatama mos ita nia Password. Depois hili Kontinua

• Ita sei hetan kodigu verifikasaun ne'ebe Telkomcel rasik sei manda ba ita liu husi Mensagem. Kuandu hetan ona mensagem husi Telkomcel, bele hatama kodigu refere no hili Verifika

• Sei mosu Formulario Sign-Up. Iha etapa ne'e, ita tenki hatama ita nia informasaun kompletu no lo'os hanesan Naran Kompletu, Data Moris, Generu no Email. Kuandu Hatama hotu ona, hili Kontinua. 

• Ita nia Aplikasaun susesu ona instala iha ita nia Smartphone. Nia modelu no desenhu husi MyTelkomcel App hanesan iha karaik

• Ita bele hare detalha konaba ita nia Balansu/ Saldo, Kuota ba Internet no Bonus ne'ebe ita hetan.
• Hanesan Informasaun deit, ita sei hetan Bonus Quota ba Internet 500MB ne'ebe valido loron 1.
• Hakarak hare Servisu no fasilidade seluk husi My Telkomcel App ne'e, bele hili iha Menu iiha leten no sei mosu Servisu no fasilidade seluk ihaMy Telkomcel App

• Servisu no fasilidade ne'ebe iha My Telkomcel App maka hanesan iha karaik :

Servisu no Fasilidade ne'e nia funsaun maka hanesan tuir mai :

• Inbox (hodi hare mensagem ba Aplikasaun konaba notifikasaun no promosaun husi Telkomcel)
• Buka Pakote (hodi buka no hili ba pakote Mensagem, Telefone, Games no Internet)
• Aumenta Balansu (Hodi Ense Saldo/ Pulsa)
• Ring Back Tone (Hodi Hili RBT)
• Konta Privado (Hodi hare ita nia pakote ne'ebe ativo no ita nia Perfil ka informasaun privadu)
• Telkomcel Poin (Hodi Konfirma ka Cek ita nia Poin no bele troka poin mos)
• Manda Gift (Bele uza hodi halo Transferensia Saldo ba numeru seluk)
• Ajuda (karik ita sei konfuzaun no iha duvidas ba Telkomcel nia servisu, bele hili menu ne'e)

Maka ne'e deit publikasaun badak konaba MyTelkomcel App. Karik iha Benefisiu ba Publikasaun ne'e favor bele fahe tutan ba kolega sira seluk nune bele aumenta ita nia kunhesenentu ba produtu ne'e.