Error Wainhira Instala Windows Tamba Formatu Partisaun husi Harddisk uza MBR

May 01, 20180 Comments
Kazu ida ne'e Januario Bernardo Blog hetan wainhira instala kolega ida nia Laptop marka Asus ne'ebe husi Fabrika uza Windows 10 no kolega ne'e hakarak haruka instala foun fila fali no uza windows 8. Wainhira halo Instalasaun, nia prosesu sai hanesan bai-bain no wainhira tama ona iha area hili Partisaun/Partition husi Harddisk ne'ebe maka hakarak Instala, mosu letra Windows cannot be installed to the disk 0 Partitio 1. No wainhira Klik iha Lera ne'eba, mosu informasaun konaba problena ne'e no hakerek :
Windows cannot be installed to the disk. The selected disk has an MBR partition table. On EFI system, Windows can only be installed to GPT disk.




Letra ne'e mosu tamba ita nia Partisaun/Partition husi Harddisk uza formatu MBR no ita nia versaun Windows bele deit instala uza formatu GPT. Maibe iha mos kazu wainhira instala Windows 7, Harddisk nia Partisaun/Partition uza formatu GPT no Windows bele Instala deit uza formatu MBR.

Oinsa atu hadia nune bele instala Windows refere ???

Iha ne'e Januario Bernardo Blog Hakarak fahe nia maneira. Maka hanesan tuir mai :

  1. Karik ita nia Hardisk iha Dokumentus Importante, bele Backup lai no muda se'es Dokumentus sira hotu iha Hardisk laran ba Harddisk seluk. (Importante : La'os muda Dokumentus ba Disk D:/ ou E:/ ) Tamba wainhira muda formatu Partisaun, tenki formatu fila fali Harddisk no otomatikamente, dadus hotu-hotu iha ne'ebe deit iha Harddisk laran tenki apaga no format hotu.
  2. Taka Laptop/Komputador no Instala fila fali hanesan bai-bain. Wainhira mosu Menu tama Instala Windows hanesan iha imagem karaik.
  3. Ita tenki loke command prompt (CMD) uza Keyboard no hanehan Shift + F10 hodi fo mosu command prompt Administrator.
  4. Iha command prompt (CMD) nia laran ita hakerek diskpart depois Enter
  5. Hakerek fali list disk (hodi hare harddisk ne'ebe maka ativo no hakarak muda nia formatu. Harddisk ne'e maka bele format maka disk 0, hare fila fali iha List Disk ne'e, disk 0 iha ka lae. Kunaud iha entaun kontinua maneira iha karaik, maibe kuandu laiha, entaun Harddisk maka problema no troka foun)
  6. Hakerek fali select disk 0 depois Enter
  7. Hakerek fali clean depois Enter
  8. Hakerek fali convert gpt depois Enter kuandu hakarak muda formatu ba GPT, maibe hakerek convert mbr kuandu hakrak muda formatu ba MBR.
  9. Wainhira nia prosesu remata, taka deit CMD no kontinua Instala Windows hanesan bai-bain. Letra error sei la mosu tan.



Informasaun :
  1. Maneira ne'e nia konsekuensia maka Data no Dokumentus iha Harddisk sei lakon hotu.
  2. Formatu MBR ne'e uza ba Windows ne'ebe maka uza modelu 32 Bit no GPT  ne'e prefere liu ba modelu 64 Bit
  3. Windows 7 maka kuaze uza formatu MBR, Windows 8 no 10 Barak liu uza formatu GPT liu-liu ba modelu 64 Bit.

0 Comments