Tutorial Formula Logical (IF, OR, AND) Iha Microsoft Excel

June 11, 20180 Comments
Formula Logiku uza hodi buka resultadu husi perguntas ne’ebe ita hili bazeia ba dadus ne’ebe los ou la los. Iha Formula Logiku laran mos ita tenki hatene uluk lai simbolu operasaun husi ekuasaun ne’ebe maka bai-bain  uza. Maka hanesan tuir mai :
  • Igual (=) : iha Excel uza “=”
  • La Igual (≠) : iha Excel uza “<>”
  • Bot Liu (>) : iha Excel uza “>”
  • Bot liu ou hanesan (≥) : iha Excel uza “>=”
  • Kiik liu  (<): iha Excel uza “<”
  • Kiik liu ou hanesan (≤) : iha Excel uza “<=”
Tuir mai, ita sei aprende konaba Formula IF, OR no AND uza kazu buka resultadu Passa no La Passa iha Tabela karaik :



IF

Funsaun husi formula IF uza hodi fo resultadu husi valor kuandu nia kondisaun Los/ True e  fo resultadu husi valor seluk kuandu nia kondisaun La Los/ False bazeia tuir valor ka kondisaun ne'ebe ita deside iha Cells nia laran
Sintaxe / Syntax : =IF(Logical_test,Value_if_True,Value_if_False)


Exemplo :   =IF(C14>=50,"Passa","La Passa")
Esplikasaun : Husi formula iha leten sei buka valor Passa ka La Passa Bazeia ba cell C14. kuandu Total Valor ≥ 50 Entaun Passa, Maibe Kuandu Total Valor < 50 Entaun La Passa
Resultadu : Passa. Tamba iha Tabela Laran iha Cell C14 nia Total Valor 56 ka nia Valor ≥ 50 no Passa Kriteria.


OR


Funsaun husi formula OR uza hodi buka e hare kriteria 2 ou liu. Kuandu husi kriteria 2 no kriteria 1 deit maka los sei hetan resultadu ou valor “True”, maibe kuandu iha kriteria 2 ne’e la los hotu entaun sei hetan resultadu ou valor “False”
Sintaxe / Syntax : =OR(Logical1,Logical2,....)


Exemplo :    =IF(OR(C7>=7,C8>=7,C9>=7),"Passa","La Passa")
Esplikasaun : Husi formula iha leten sei buka valor Passa ka La Passa bazeia ba Cell C7, C8, C9. Husi Informasaun ita bele hare katak Kuandu Valor Matematika ou Quimica ou Fisica ≥ 7, Entaun Passa, Maibe Kuandu Lae entaun La Passa. Iha ne'e ita hare katak Valor Matematika iha Cell C7 = 7, Valor Quimica iha Cell C8 = 6 no Valor Fisica iha Cell C9 = 8. Husi Informasaun hatete katak kuandu hakarak Passa, Entaun Valor Matematika ou Quimica ou Fisica ≥ 7. Liafuan Ou siknifika katak OR
Resultadu : Passa. Tamba tuir Regras OR hatete katak Kuandu husi kriteria 2 no kriteria 1 deit maka los sei hetan resultadu ou valor “True”, maibe kuandu iha kriteria 2 ne’e la los hotu entaun sei hetan resultadu ou valor “False”. True iha ne'e ita representa Passa no False ita representa La Passa. Maske Valor Quimica iha Cell C8 = 6, Maibe Valor Matematika iha Cell C7 = 7 no Valor Fisica iha Cell C9 = 8


AND 

Funsaun husi formula AND uza hodi buka e hare kriteria 2 ou liu. Kuandu kriteria 2 ou liu ne’e hotu-hotu los sei hetan resultadu ou valor “True”, maibe kuandu iha kriteria 1 entre kriteria sira ne’e la los entaun sei hetan resultadu ou valor “False”
Sintaxe / Syntax : =AND(Logical1,Logical2,....)


Exemplo :   =IF(AND(C7>=7,C8>=7,C9>=7),"Passa","La Passa")
Esplikasaun : Husi formula iha leten sei buka valor Passa ka La Passa bazeia ba Cell C7, C8, C9. Husi Informasaun ita bele hare katak Kuandu Valor Matematika no Quimica no Fisica ≥ 7, Entaun Passa, Maibe Kuandu Lae entaun La Passa. Iha ne'e ita hare katak Valor Matematika iha Cell C7 = 7, Valor Quimica iha Cell C8 = 6 no Valor Fisica iha Cell C9 = 8. Husi Informasaun hatete katak kuandu hakarak Passa, Entaun Valor Matematika no Quimica no Fisica ≥ 7. Liafuan no siknifika katak AND
Resultadu : La Passa. Tamba tuir Regras AND hatete katak Kuandu kriteria 2 ou liu ne’e hotu-hotu los sei hetan resultadu ou valor “True”, maibe kuandu iha kriteria 1 entre kriteria sira ne’e la los entaun sei hetan resultadu ou valor “False”. True iha ne'e ita representa Passa no False ita representa La Passa. Maske Valor Matematika iha Cell C7 = 7 no Valor Fisica iha Cell C9 = 8 , Maibe Valor Quimica iha Cell C8 = 6. Karik hakarak Passa, Valor hotu-hotu tenki >7.

Resultadu ikus husi Tabela maka hanesan tuir mai :