Oinsa Uza Printer Hamutuk / Sharing Printer iha Komputador Liu Husi Linha LAN

Wainhira ita iha fatin servisu no uza Printer, dala barak ita nia printer ne'e rasik kolega seluk uza tamba rasaun sira Printer laiha ka a'at no dalaruma ita maka ba husu ajuda ita nia kolega sira atu uza sira nia printer ho razaun atu print ita nia dokumentus tamba ita nia printer laiha.

Kuandu nia kazu iha leten akontese iha sala no edifisiu ida deit, ita bele halo Sharing Printer ka Uza Printer hamutuk ne'ebe uza fasilidade linha LAN (Local Area Network). Iha tutorial ida ne'e ita foti kazu ho printer 1 no Komputador 3. Ekipamentus ne'ebe ita persiza prepara maka :

1. Fiu UTP (nia naruk depende tuir distansia entre komputador ba printer)
2. Connector RJ45
3. Switch Hub 5 Port
4. CD Driver Printer ne'ebe hakarak Sharing

Nia etapa halo koneksaun maka hanesan tuir mai :

• Liga fiu UTP ho Connector RJ45
• Liga fiu UTP ne'ebe maka ohin halo ona ne'e ba kada komputador no liga mos ba Switch Hub. nia modelu ligasaun hanesan imagen iha karaik. Keta haluha setting IP address ba komputador 3 ne'e halo hanesan lai.

• Printer liga ba Komputador 1 kualker ita nia kondisaun.
• Instala Printer nia Driver ba komputador 3 ne'e hotu kedas.
• Instala hotu ona driver printer nian, agora ita ba Komputador ida liga hela ho Printer ne'e.
• Loke control panel no hili view devices and printers

• Hili printer ne'ebe maka hakarak ita Sharing, Right Click / Klik Kanan no hili Printer properties

• Ba iha menu Sharing no fo vistu ba Share this printer no Click OK

•  Prosesu Sharing husi Komputador 1 los ona. agora ita ba komputador 2 ne'ebe hakarak ita Sharing ba. iha ne'e komputador 2 ne'e ami fo naran Komputador Cliente no Komputador 1 ne'ebe ohin instala uluk ne  ami fo naran Komputador Server.

Update (30/06/2019) :

• Setting fila fali  Advanced sharing settings iha :Control Panel\Network and Internet\Network and Sharing Center\Advanced sharing settings

• Setting iha Home or Work no Public (Current Profile)

 

• Muda ba On hanesan Imagem iha karaik ne'ebe maka fo linha Mean. Depois Klik Save Changes

Instalasaun ba Komputador Cliente

• Agora ba iha ita nia My Computer, no iha area buskar nian, hakerek ita na IP adress . Se lae bele direitamente ba iha area Network (bai-bain iha My Computer nia kraik)

• Right Click / Klik Kanan ba printer ne'ebe ita hakarak sharing no hili Connect...

• Aplika ba Komptador seluk ne'ebe maka sedauk halo koneksaun no sedauk sharing.
• Agora ita nia printer ita bele uza hamutuk iha Sala ida nia laran.

NB :

1. Printer sei labele uza kuandu Komputador ne'ebe liga direitamente ho printer ihakondisaun mate hela.
2. Komputador ne'ebe liga direitamente ho  printer tenki iha kondisaun lakan hela.