Oinsa uza Webmail iha Microsoft Office Outlook 2016

Microsoft Outlook ou Microsoft Office Outlook hanesan programa personal information manager husi Microsoft, no sai parte ida husi suite Microsoft Office . Maske baibain uza hodi manda no le'e Email, Programa ne'e mos iha fasilidade hanesan Maneja Kalendario, Halo Orasio Servisu, halo Notas no Hakerek Jurnal. Wainhira Programa Outlook ne'e uza no kombina ho Microsoft Exchange Server, Outlook bele fornese  asesu ba Email, Kalendario no Orario dala ida iha tempu ne;ebe hanesan.

Iha area servisu, Microsoft Office Outlook bai-bain uza hodi :

1. Bele Le'e Email ne'ebe ita Download husi Server iha Mode Offline
2. Backup Email husi nia server hanesan Gmail, Yahoo mo Webmail seluk
3. Halo fasil no halo lalais prosesu Foti no Manda Email

Iha Article ida ne'e, Januario Bernardo Blog hakarak fo Tutorial oinsa ita bele halo Connect entre Webmail (uza Webmail Hosting Instituisaun nian) no Outlook. Antes tama iha Tutorial, ita persija prepara hanesan :

1. Webmail Hosting nian. Iha kazu ne'e uza Webmail husi undil.tl nian.
2. Microsoft Outlook 2016 (bele uza versaun seluk, maibe dalaruma nia menu ou fitur ladun hanesan)

Nia tutorial maka hanesan tuir mai :

• Loke uluk Microsoft Office Outlook 2016

• Ense no hakerek Email husi ita nia Webmail, depois po visto ba "Let me set up my account manually". Nia funsaun hodi ita bele Setting fila fali nia Email tuir ita nia Hakarak no ita nia persija. Depois Click Connect

• Hili POP. Funsaun husi POP maka hodi Download ha foti Database Email husi Server Email Webmail nian hodi bele tau iha ita nia Outlook iha Komputador ka Laptop

• Iha Incoming mail no Outgoing mail, Preense Server uza ita nia Webmail nia naran, iha ne'e ami tau mail.undil.tl. Click Next

• Hatama ita nia Password husi Webmail. Labele hatama password foun, Password tenki hanesan ho ita nia Webmail. Click Connect

• Webmail susesu ona no Regista ona iha Microsoft Outlook. Karik hakarak registu tan Webmail seluk, bele hatama fila fali iha iha area "Add another email address" no halo tuir fila fali prosesu hanesan pontus primeiro. Karik hotu ona bele Click  Done

• Modelu no Interface husi MS outlook prontu ona. Iha area karaik, ita bele hare Outlook Download hela ita nia Email ne'ebe rai iha Server Webmail. Nia prosesu Download depende husi ita nia Email nia barak, karik barak bele gasta tempu kleur oituan.

Maka ne'e deit tutorial ba ohin loron nian, karik iha benefisiu no bele ajuda ita hotu nia servisu liu-liu iha area Email no Outlook, keta haluha Share ba ema hotu hodi nune bele ajuda mos kolegas sira seluk.