Tutorial Formula Textu ( LEFT, MID, RIGHT, SUBSTITUTE, CONCATENATE, UPPER, LOWER, PROPER) Iha Microsoft Excel

June 04, 20180 Comments
Tuir mai, Januario Bernardo Blos sei esplika konaba Formula Textu ne'ebe nia funsaun iha Microsoft Excel hanesan Formula ne'ebe uza hodi manipula Extu iha Excel nia laran. Manipula iha nia definisaun iha ne'e maka halo mudansa ka foti letra balun iha textu nia laran hodi bele sai data ida iha excel nia laran.
Formula Textu iha Excel ne rasik iha barak, maibe iha Tutorial ida ne'e sei esplika deit Formula Textu hanesan  : LEFT, MID, RIGHT, SUBSTITUTE, CONCATENATE, UPPER, LOWER, PROPER.

Exemplu ba Tabela iha karaik bele uza hodi komprende Formula Textu :




LEFT
Funsaun husi formula LEFT uza hodi foti letra ou textu balun husi karuk / esquerda.
Sintaxe / Syntax : =LEFT(Text,Number_Chart)


Exemplo : =LEFT(C4,5)
Esplikasaun : Husi Cell C4 “Joana Maria Diaz”, sei foti letra “5” husi karuk/ esquerda e nia resultadu maka “Joana”.


MID
Funsaun husi formula MID uza hodi foti letra ou textu balun iha textu nia klaran ne’ebe maka determina husi letra inisial.
Sintaxe / Syntax : =MID(Text,Start_Num, Num_Chart)


Exemplo : =MID(C4,7,5)
Esplikasaun : Husi Cell C4 “Joana Maria Diaz”, sei foti letra inisial husi letra dahitu “7” (keta haluha sura mos spasi), foti letra “6” husi letra inisial e nia resultadu maka “Maria”.


RIGHT
Funsaun husi formula RIGHT uza hodi foti letra ou textu balun husi los / direita.
Sintaxe / Syntax : =RIGHT(Text,Number_Chart)


Exemplo : =RIGHT(C4,4)
Esplikasaun : Husi Cell C4 “Joana Maria Diaz”, sei foti letra “4” husi los / direita e nia resultadu maka “Diaz”.

CONCATENATE
Funsaun husi formula CONCATENATE uza hodi junta ou halo hamutuk textu-textu ne’ebe maka determina ona.
Sintaxe / Syntax : =CONCATENATE(Text1,Text2,Text3,…..)


Exemplo : =CONCATENATE(C7,D7,E7)
Esplikasaun : Husi formula sei junta ou halo hamutuk letra iha cell C7,D7,E7 hanesan “Julia, Filipe, da Costa” e nia resultadu maka "Julia Filipe da Costa"


SUBSTITUTE
Funsaun husi formula SUBSTITUTE uza hodi truka letra ka liafuan balun husi textu iha cell laran.
Sintaxe / Syntax : =SUBSTITUTE(Text,Old_Text,New_Text,)


Exemplo : =SUBSTITUTE(C10,"Boavida","Cabral")
Esplikasaun : Husi formula sei troka textu balun iha Cell C10 “Carlos Boavida” husi textu ida naran “Boavida” ba “Cabral” e nia resultadu maka "Carlos Cabral".


LOWER
Funsaun husi formula LOWER uza hodi muda letra ka textu ba letra kiik
Sintaxe / Syntax : =LOWER(Text)


Exemplo : =LOWER(C13)
Esplikasaun : Husi textu iha Cell C13 “Maria Diaz”, muda ba letra ki'ik no nia resultadu sei sai “maria diaz”


UPPER
Funsaun husi formula UPPER uza hodi muda letra ka textu ba letra bo’ot
Sintaxe / Syntax : =UPPER(Text)


Exemplo : =UPPER(C13)
Esplikasaun : Husi textu iha Cell C13 “Maria Diaz”, muda ba letra bo'ot no nia resultadu sei sai “MARIA DIAZ"


PROPER
Funsaun husi formula PROPER uza hodi muda letra kapital ba letra primeiro kada palavra.
Sintaxe / Syntax : =PROPER(Text)


Exemplo : =PROPER(E13)
Esplikasaun : Husi textu iha Cell E13 “maria diaz”, muda letra kapital ba letra primeiro kada palavra no nia resultadu sei sai “Maria Diaz”.

Resultadu ikus husi Tabela Formula Textu :