Tutorial Halo Grafika Uza Funsaun Chart

Grafika sau hanesan parte importante wainhira servisu iha area statistika. Grafika bele representa relatorio ho modelu ne'ebe ema barak bele komprende no fasil atu esplika ba ema barak. Iha tutorial tuir mai, Januario Bernardo Blog sei esplika no fo tutorial oinsa halo Grafika Iha Microsoft Office Word 2016 uza fasilidade Chart.

Tuir mai nia maneira ou tutorial oinsa halo grafika uza funsaun Chart :

Click iha Insert | Click iha Chart

Hili modelu husi grafiku ne'ebe maka persija tuir nesesidade | Click Ok

Tuir mai, mosu aplikasaun 2 maka Ms. Word e Ms. Excel

Ms. Word sai hanesan resultadu husi dadus ne'ebe maka hatama e representa hanesan grafiku
Ms. Excel sai hanesan fatin hatama dadus ne'ebe maka nia resultadu sei sai iha Ms. Word
Iha Ms. Excel nia laran, iha kuluna Series e Linha Category. Troka Series no Category nia naran tuir dadus ita bo’ot sira nian no troka numeru iha Series no Category nian tuir numeru ita iha ne'ebe bazeia ba dadus nebe los

Kuandu dadus hatama hotu ona, bele taka direitamente Ms. Excel.
Resultadu maka hanesan imagen iha karaik

Kuandu iha dadus ne'ebe maka la los ou hakarak troka dadus ne'ebe maka iha grafiku nia laran, Click Certu/Klik Kanan | Click Edit Data

Troka dadus ou aumenta dadus iha tabela laran, depois taka Ms. Excel
Design nia funsaun balun maka halo mudansa ba modelu husi Chart ne’e rasik iha Change Chart, Troka ou muda dadus iha Edit Data no troka aparelu husi Chart iha Chart Style

Format nia funsaun balun maka muda kor husi chart (iha Shape Style) no letra ( WordArt Style)

Karik hakarak fo mosu numeru iha Series nia leten ou atu fo sai Data ho formatu tabela iha Chart nia okos bele uza no Click iha Logo Mais "+" iha Chart nia sorin no hili Data Label no Taba Tabel