Tutorial Funsaun ba Formula Count, Counta, Countif no Countifs iha Microsoft Excel

Formula Count, Counta, Countif no Countifs hanesan formula ida iha Excel ne'ebe uza hodi sura kuantidade husi dadus ne'ebe iha Tabela Excel nia laran. Tuir mai, Januario Bernardo Blog sei esplika kona ba formula refere uza tabela ida iha karaik:

 

COUNT

Funsaun husi formula COUNT uza ba hodi sura total husi cell ne’ebe iha numeru (angka). Formula ne'e sura deit dadus ho formatu numeru.

Sintaxe / Syntax : =COUNT(range / value)

Exemplo : =COUNT(A3:A11)

Esplikasaun : Formula sei sura dadus husi cell A3 to’o A11 ne’ebe deit maka iha dadus. Kuandu laiha numeru, formula sei la sura.

Resultadu : 0 (Zero). Formula sei la fo mosu resultadu tamba iha Cells ne'ebe iha hili laiha formatu Numeru, iha deit formatu Textu.

COUNTA

Funsaun husi formula COUNTA uza ba hodi sura total husi cell hira maka preense ho numeru no textu. Kuandu formula Count sura deit Numeru, Formula Counta sei Sura hotu Numeru no Textu.

Sintaxe / Syntax : =COUNTA(Range)

Exemplo : =COUNTA(A3:A11)

Esplikasaun : Formula sei sura total cells husi cell A3 to’o A11 ne’ebe iha dadus ou textu. Kuandu laiha numeru ou textu ruma iha cell laran, formula sei la sura.

Resultadu : 9. Tamba iha Cell ne'ebe ita hili, iha Textu ba kada Cell ne'ebe ita hili.

COUNTIF

Funsaun husi formula COUNTIF uza hodi sura total dadus husi cell ne’ebe determina tuir kondisuan ou criteria ida ne’ebe ita hakarak. Funsaun ne’e bele uza hodi sura total mane ou feto, total dadus kada kategoria e seluk tan.

Sintaxe / Syntax : =COUNTIF(Range, "Criteria")

Exemplo : =COUNTIF(B3:B11,”Mane”)

Esplikasaun : Formula sei sura total cell husi B3 to’o B11 ne’ebe maka nia criteria “Mane”. Formula ne'e bele aplika mos hodi sura Feto iha tabela iha leten.

Resultadu : 5. Tamba Formula sei sura deit dadus ho kriteria Mane. Kuandu Kriteria laos mane, formula sei la sura.

COUNTIFS 

Funsaun husi formula COUNTIFS uza hodi sura total dadus husi cell ne’ebe determina tuir kondisuan ou criteria ne’ebe ita hakarak. Nia diferensa entre COUNTIF no COUNTIFS maka COUNTIF sura kriteria ida deit, maibe COUNTIFS bele sura kriteria liu husi ida.

Sintaxe / Syntax : =COUNTIF(Range_1, Criteria_1, Range_2, Criteria_2,….)

Exemplo: ==COUNTIFS(B3:B11,"Mane",C3:C11,"Becora")

Esplikasaun : Formula sei sura total cell husi B3 to’o B11 ne'ebe ho kriteria "Mane" ho C3 to’o C11 ne'ebe ho Kriteria "Becora" . Formula sei sura total dadus “Mane” ne’ebe hela iha “Becora”. Formula be'e bele Aplika mos ba tabela sira seluk ne'ebe maka sei mamuk.

Resultadu : 2. Tamba Formula sei sura deit Estudante ne'ebe ho kriteria “Mane” ne’ebe hela iha “Becora” 

Video Tutorial konaba formula Excel iha leten bele hare iha karaik :