Saida maka Bad Sector iha Harddisk ?

February 15, 20190 Comments

Tuir mai, Januario bernardo blog sei esplika oituan konaba saida maka Bad Sector ne'ebe maka akontese ba ita nia Harddisk, tamba saida mosu Badsector no oinsa Resolve Bad Sector.

Bad Sector ne Saida ?

Bad sector maka kondisaun ida nebe maka hatudu katak iha parte balun husi fiziku Hardware nian nebe avaria no fo impaktu halo Hardware la bele uza ona. Sinal Bad Sector bai-bain halo iha tempu ita Formatu Hardware no husi programa Diagnostiku.--wikipedia
Kuandu ita hare didiak husi nia definisaun iha leten, nudar utilizador komputador ita sempre tauk ho kondisaun Bad Sector husi Harddisk. Makse Bad Sector sai hanesan problema bai-bain ba utilizador Komputador Normal no bele akontese ba komputador hotu-hotu tamba utilizasaun ba Harddisk ne'ebe maka la los no la normal tamba bele estraga ita nia file iha harddisk laran.

Saida maka bele halo ita nia Harddisk Bad Sector

Kauza husi BadSector husi Harddisk bai-bain akontese tamba koneksaun ne'ebe desliga derpente iha prosesu Transfere File/ dadus ka bele mos akontese tamba Harddisk riba makaas ba fatin ruma wainhira Harddisk iha prosesu lakan hela no fo impaktu ba Head husi Harddisk kose makaas ba Disk iha Harddisk laran nebe halo Disk hetan riska makaas. 
Kauza seluk ne'ebe maka bele halo Harddisk Bad Sector maka :
  • Eletrisidade ne'ebe nia voltagem tun sae wainhira komputador lakan hela.
  • Hamate ka ShutDown komputador ho maneira ne'ebe la los / Hamate Direitamente
  • Harddisk maka nia kualidade ladiak duni husi nia fabrika
  • Harddisk manas liu tamba sistema ventunha iha Komputador laran la funsiona ho diak
  • Hetan Infeksaun husi Malware ka Virus Komputador
Husi kauza iha leten, ita bele foti resumu badak katak Bad Sector fo impaktu maka'as ba prosesu Read & Write husi Harddisk ka uza liafuan fasil karik, Harddisk nia prosesu sai todan no kleur tamba avaria iha kedas nia sentru ba kontrola no servisu husi Harddisk.

Oinsa Prevene Bad Sector husi Harddisk

Atu prevene Bad sector tuir Januario Bernardo Blog nia esperensia, iha maneira 2 maka bele halo.
Maneira 1:
Uza Fasilidade CHKDSK husi Windows ne'ebe nia funsaun atu buka no detecta husi Harddisk, depois sei hadia failansu logis, detecta no fo sinal ba Bad Sector nune Windows bele para no tenta la uza tan sinal Bad Sector refere.
Atu hare Bad Sector uza CHKDSK, nia maneira maka hanesan tuir mai :
  • ba iha My Computer, ba iha Partisaun husi Harddisk, Exemplo C:/, D:/ ka E:/
  • Click los / Klik Kanan iha Partisaun ida, kualker Partisaun ida, C:/, D:/ ka E:/
  • ba iha Properties, depois ba iha Tools
  • Tuir mai Click Check Now
Kuandu hetan no iha Bad sector ne'ebe detecta iha prosesu iha leten, ita bele kontinua ho prosesu "Repair" ka bele utiliza mos "Optimize and defragment drive" atu sistema bele forma fila fali file nune Harddisk bele le ho normal.
Kuandu ita nia Harddisk se bele uza hodi Copy Paste, bele karik ita halo Backup File ho maneira Copy ita nia file importante ba Harddisk seluk. Prosesu iha leten nia funsaun  atau minimiza Bad Sector nune labele sai Bad Sector ne'ebe maka'as liu tan no halo ita nia Disk iha Harddisk laran lao neneik no bele halo servisu ita nia Harddisk hanesan bai-bain.

Maneira 2:
Maneira ida ne'e bolu Low Level Format / LLF ne'ebe ita sei Format tomak ita nia Harddisk hodi Apaga Bad Sector iha ita nia Harddisk. Metodo LLF laos hanesan ita formatu Flasdisk ha formatu normal. LLF sei apaga tomak "out lining" pozisaun husi Track no Sector ha Harddisk laran. impaktu husi LLF maka ita nia Harddisk nia file sei lakon hotu no ita labele halo Recovery ba Harddisk tamba Track no Sector hotu-hotu iha Harddisk apaga mos hotu kedas.
Atu uza LLF ita bele uza software ida ho naran Haddisk Low Level Format Tools (bele download iha ne'e : www.hddguru.com/software/HDD-LLF-Low-Level-Format-Tool)

Nia maneira maka :
  • Instala uluk lai programa LLF ne'e
  • Loke programa LLF (bele uza Continue for free)ne no hili Harddisk ne'ebe maka ita hakarak Format depois Click Continue >>>
  • Hili Low-Level Format depois Click Format This Device
  • Hein to'o prosesu remata 100%. Nia prosesu depende Harddisk nia Kapasidade
  • Kuandu prosesu hotu ona no 100%, taka programa LLF
  • Ba iha My Computer, Click los/ klik kanan, Hili Manage
  • Click iha Disk Management.
  • Sistema sei detecta Harddsk foun ho formatu MBR, kuandu mosu info Hardisk foun bele Click Ok
  • Tuir mai, bele buka Harddisk foun ohin no formatu Harddisk refere hanesan bain-bain


NB:
Maneira iha leten bazeia ba Esperensia husi Januario Bernardo, posibildade Harddisk bele diak ne'e 50:50 depende husi nia kauza no nia impaktu. balun bele diak no normal 100 % maibe balun ladiak nafatin. Nia kondisaun katak harddisk wainhira liga ba power laiha lian barulhu husi Harddisk laran.

0 Comments