Saida Deit Maka Ita Tenki Halo Antes Hakerek Textu Iha Microsoft Office Word 2007 (Part II)

Tutorial tuir mai sai hanesan kontinuasaun husi Saida Deit Maka Ita Tenki Halo Antes Hakerek Textu Iha Microsoft Office Word 2007 (Part I). Iha Tutorial antes, fokus no koalia no esplika liu ba Formatu Dokumentus no nia Surat Tahan. Iha tutorial ida ne'e, sei esplika barak liu ba formatu Textu no nia Paragrafu hanesan :

Modelu, Medida no Kor husi Letra (Font)
Spasu kada linha husi Letra (Spacing Line)
Modelu Paragrafu (Paragraph)
Formatu Tabulasaun ba Linha Primeiru kada Paragrafu.
Rai Dokumentus (Save)

Mai ita Esplika ida-ida, maka hanesan tuir mai :

Modelu, Medida no Kor husi Letra (Font)

Defini modelu letra : Click iha Home | Click Font ou Ctrl+Shift+F. Tuir Januario Bernardo Blog nia hatene, barak liu no kuaze Letra uza modelu Times New Roman no Arial. Tamba barak liu dokumentus no karta inkui mos Monografia, Makalah no Jurnal uza letra refere.

Defini medida letra : Click iha Home | Click Font Size ou Ctrl+Shift+P. Kuandu Hakerek Monografia, Makalah no Jurnal, Medida husi letra tenki 12. Maibe bele mos muda ba medida seluk tuir nesesidade.

Defini kor ba letra : Click iha Home | Click Font Color . Normalmente, dokumentus saida deit tenki uza letra kor metan. Karik hakarak troka, bele troka tuir nesesidade.

Modelu Letra Bold, Italic no Underline. Bold (Ctrl + B) uza hodi halo letra sai Mahar. Italic (Ctrl + I) uza hodi halo letra kleuk tesik no Underline (Ctrl + U) hodi halo letra iha linha iha letra kraik.

Spasu kada linha husi Letra (Spacing Line)

Spasu kada linha nia funsaun hodi fo spasu ba kada linha iha textu laran para bele dok malu. Nia regras iha Monografia hodi fo spasu ba iha textu maka 1.5 no 2.0.
Click iha Line Spacing | hili medida Spacing 1.5 ou 2.0. Maibe antes hili Spacing Line, Block hotu Textu iha dokumentus laran.

Modelu Paragrafu (Paragraph)

Modelu husi Paragrafu iha oin 4 hanesan : Left, Center, Right no Justify

Paragrafu modelu Left (Ctrl + L) halo letra no textu nia area halai ba liman karuk.
Paragrafu modelu Center (Ctrl + C) halo letra no textu nia area halai ba Klaran
Paragrafu modelu Right (Ctrl + R) halo letra no textu nia area halai ba Liman Los
Paragrafu modelu Justify (Ctrl + J) halo letra no textu nia area halai hanesan, area liman los no liman karuk hanesan.

Formatu Tabulasaun ba Linha Primeiru kada Paragrafu.

Tabulasaun ba linha primeiro kada paragrafu ne saida? Tabulasan ba Linha Primeiro iha Paragrafu maka letra primeiro ne'ebe tama ba laran iha kada paragrafu. Hare nia modelu hanesan exemplo iha karaik :

Ita bai-bain uza Tab iha keyboard hodi hatama letra primeiro iha paragrafu. Maibe ita bele mos uza maneira seluk.
Click Sub Menu husi Paragraph nian iha Menu Home nian. Iha Box ki'ik iha letra Paragraph nia sorin, Click.

Click iha Special nia kraik , hili First Line

Muda By husi 1.25 cm ba 1.5 cm ou husik iha medida 1.25 cm mos bele. | Click Ok . Mudansa medida iha By depende tuir ita nia nesesidade iha textu laran

Rai Dokumentus (Save)

Bai-bain, ita bele uza Keyboard no hanehan CTRL + S.
Depois ita bele hili fatin ne'ebe iha komputador laran hodi ita bele rai ita nia dokumentus ba
Maibe kuandu hakarak muda no troka formatu dokumentus, ita bele uza meneira seluk hanesan tuir mai : Click iha Office Button | Click iha Save As | Click iha Word Document

Hili fatin ne'ebe ita hakarak rai ita nia dokumentus
Hili iha File name no fo naran ba dokumentus. Hili iha Save as Type | hili Tipo husi file Word ne'ebe maka ita hakarak. Mais kuaze barak liu, uza nafatin Word Document ou Word 97-2003 Document. Hotu ona, Click Save.