Kunhesementu Geral ba Microsoft Office Excel 2016

May 25, 20180 Comments


Microsoft Office Excel 2016 (MS. Excel) maka programa aplikasaun ida husi Microsoft Office nian ne’ebe uza hodi maneja Tabela e Formula . Iha MS Excel nia laran sei koalia e aprende barak liu ba Formatu Tabela, Formatu Formula ho nia implementasaun. Tamba koalia no aprende bark liu iha Tabela, Microsoft Excel sei la se husi Kuluna, Linha, Cell no Worksheet. Tuir mai, Januario Bernardo Blog sei esplika konaba kunhesementu geral ba Microsoft Office Excel 2016.

Kuluna, Linha, Celulas/Cells, Worksheet

  • Kuluna / Columns : Area Servisu iha Excel ne'ebe ho modelu Vertikal no Representa uza Alfabetiku (A, B, C, D,......). Total husi Kuluna iha Worksheet ida maka 256 Kuluna
  • Linha / Rows : Area Servisu iha Excel ne'ebe ho modelu Horisontal no Representa uza Numeru (1, 2, 3, 4,......). Total husi Linha iha Worksheet ida maka 65.536 Linha
  • Celula / Cells : Area iha Worksheet Excel nia laran ne'ebe hare bazeia tuir
    Interseksaun entre Kuluna no Linha.. Iha Imagen iha leten hatudu Cell ho naran Cell G10, tamba cell refere hetan husi Interseksaun husi Kuluna G no Linha 10
  • Worksheet : Area Sevisu iha Excel ne'ebe kompostu husi Kuluna, Linha no Cells. Area ne'ebe ita hare hanesan Tabela iha Excel ne'e maka ita bolu Worksheet

Borders

Funsaun husi borda / Borders maka fo sai desenhu ba linha/garis husi tabela tamba maske MS Excel servisu uza tabela maibe kuandu nia linha sedauk halo, wainhira ita atu imprim nia linha sei la sai

Editing


Funsaun husi Edisaun / Editing maka:
  • AutoSum nia funsaun maka atu soma dadus nebe ho format numeru, buka dadus total, valor ki’ik liu, bot liu no valor media.
  • Fill nia funsaun maka atu halo numerasaun otomatika husi 1 to’o 100 ka liu
  • Clear nia funsaun maka atu apaga format husi tabela no apaga dadus iha tabela laran
  • Short & Filter nia funsaun maka atu halo reformasaun ba dadus ne’be ita hakarak. Ita bele reforma dadus tuir alfabetiku husi A to’o Z, husi dadus ho letra ki’ik liu ba bot liu, ect.
  • Find & Select nia funsaun maka atu uza hodi buka dadus ka textu iha dadus laran para fasil atu hetan

Formulas 


Microsoft Office Excel koalia ou servisu barak liu ba formula hodi buka resultadu husi kazu ne’ebe maka persija hodi hetan. Formula Excel nia karakteristika maka sensitivu liu ba simbolu, kuandu hakerek simbou la los ou falta sei hetan mensagem error hanesan tuir mai :
  • #VALUE! : Mensagem Error ne’e mosu tamba iha valor operasaun la hanesan e la tuir nia operasaun ne’ebe los
  • #DIV/0! : Mensagem Error ne’e mosu tamba kuandu uza operasaun dividir, iha valor 0 (zero) maka ita uza hodi dividir
  • #N/A : Mensagem Error ne’e mosu tamba hakerek ou hatama formula ne’ebe maka la existe / lai
  • #NAME? : Mensagem Error ne’e mosu tamba wainhira uza formula matematika, iha textu ka letra maka tama iha laran. Kuandu uza formula matematika, tenki uza numeru hotu kedas e labele hatama fali textu ka letra
  • #NUM! : Mensagem Error ne’e mosu tamba format numeru ne’ebe maka ita hatama iha formula laran la los
  • #REF! : Mensagem Error ne’e mosu tamba cell referensia ne’ebe maka hili laiha, la los ou la existe
  • #NULL! : Mensagem Error ne’e mosu tamba argumentu ou simbolu laiha ne’ebe uza hodi determina operasaun ne’e rasik
  • ########## : Mensagem Error ne’e mosu tamba kuluna kiik liu hodi fo sai resultadu
Wainhira uza formula, tengue komesa uluk ho simbolu Igual “=” depois foin hakerek nia formula. Exemplo : buka resultadu husi 2+2 = ?. Iha Excel hakerek “=2+2” depois Enter
 
Karik sedauk klaru diak, bele hare Video iha karaik :
 
  

0 Comments