Oinsa Hare Power Supply Komputador Diak ka A'at ?

April 24, 20180 Comments

Kuandu iha Perguntas ida dehan "Oinsa Hare Power Supply Komputador Diak ka A'at ?", iha metodo no maneira fasil ida ne'ebe ita bele halo iha ita nia fatin duke ba fali iha Loja hodi hadia.
Dala ruma iha problema ne'ebe mosu wainhira ita atu halakan komputador maibe kompitador lakoi lakan maske ita monta hotu ona nia fiu hanesan bai-bain. 
Iha ne'e  Januario Bernardo Blog hakarak fahe nia maneira fasil, mais antes ita tama ba nia maneira, prepara uluk lai fiu badak ida ka Clip ida nebe babain uza hodi habit suratahan.

Modelu maka oha karaik ne'e:

Maneira maka hanesan tuir mai :
  1. Losu Connector Power Supply nebe maka monta iha Motherboard
  2. Cek no hare iha Connector ne iha Fiu kor Verne no Kor Metan. Viu Kor Verde ne'e ida deit maibe Kor Metan iha Barak. Uza kor Metan ida deit
  3. Hatama Fiu ka Clip Suratahan ne'ebe ohin ita prepara ona ne'e no junta direitamente fiu Verne no metan iha Connector ne'e hanesan imagem iha karaik
  4.  Kuandu Junta hotu ona, tu'u fiu Power ba iha Power Supply. Kuandu Ventunha Power Supply Lakan no halai forna no la mate, entaun Power Supply diak hela. Maibe kuandu Ventunha la lakan ou lakan maibe nia ventunha halai ladun forsa, entaun Power Supply ladiak.

Saida maka akontese kuandu Power Supply ladun diak maibe ita uza nafatin :
  1. Komputador bele Hang hela deit/ Programa to'os no la bo'ok aan
  2. Port USB dalaruma la diak hodi Connect ba Flash Disk
  3. Komputador Mate Derpente ka Restart Derpente
  4. Bele Estraga mos Harddisk, halo Harddisk la le iha Bios no iha Sistema.

Ne'e duni, ba ita hotu nia komprensaun, kuandu akontese Power Supply lakan la Normal diak liu troka lalais ita nia Power Supply. Se lae bele estraga Ekipamentus Komputador sira seluk