Tutorial Halo Indice / Daftar Isi Otomatika Uza Funsaun Table of Contents

Maneira halo indice uza funsaun Table of Contents ne’e hanesan maneira otomatika ne’ebe sei bolu no halo dala ida ho nia numeru pagina. Maibe nia regras, ita tenki defini uluk lai nia Heading iha funsaun Styles. Nia maneira maka hanesan tuir mai :

Loke ita nia dokumentus ka makalah ka monografia. Ita ba iha Menu Home no hare iha Sub Menu Styles iha neba iha Heading 1, Heading 2 no Heading 3. 

Karik Heading balun laiha, hanesan Heading 3, bele uza maneira ne’e:

Hanehan Alt + Ctrl + Shift + S

Hili Manage Style

Hili Recommend

Hili no Click Heading ne’ebe maka hakarak fo mosu

Click Show, depois Click Ok

 

Agora ita hare Heading 1, 2, 3 iha hotu ona.

Click Certu/Klik Kanan iha Heading 1 | Click Modify…

Modifika formatu husi Heading 1. Nia formatu maka hanesan tuir mai :

Letra : Times New Roman

Medida Letra : 12

Letra Mahar/Bold

Letra nia kor muda ba Metan ka Automatic

Alinhamentu muda a Center

Muda tan nia Spasu. Muda Spasu ba iha Format | hili Paragraph.

Iha Area Paragraph, halo numeru sira hotu muda ba 0, no iha line spacing muda ba 1.5 lines. Click Ok no Click tan Ok

Repete fila fali metodo Heading 1 ba iha Heading 2 maibe nia formatu diferensa oituan. Formatu husi heading 2 hanesan tuir mai :

Letra : Times New Roman

Medida Letra : 12

Letra Mahar/Bold

Letra nia kor muda ba Metan ka Automatic

Alinhamentu muda a Left

Iha area format halo hanesan ho Heading 1. Click OK.

Aplika mos formatu husi Heading 2 ba Heading 3.

Konseitu husi Heading 1, Heading 2 no Heading 3 iha Indice maka hanesan tuir mai :

 

Esplikasaun :

Heading 1 : ita uza ba Titulu no ba Kapitulu

Heading 2 : ita uza ba Sub Kapitulu

Heading 3 : ita uza ba Sub Topiku husi Sub Kapitulu.

Tuir mai, ita Implementa Heading 1, 2, 3 ba Textu hodi halo Indice.

Ita Implementa uluk Heading 1, Blok Textu husi topiku ka Capitulu I no hili Heading 1. Aplika no halo hanesan mos ba Capitulu sira seluk.

Agora, Implenta Heading 2. Hili Sub Capitulu no Blok nia Letra, depois hili Heading 2. Aplika ba Sub Capitulu sira seluk

Agora, Implementa Heading 3. Hili Sub Topiku husi kada Sub Capitulu no Blok nia Letra, depois hili Heading 2. Aplika ba Sub Topiku husi kada Sub Capitulusira seluk.

Agora ba iha Menu Reference | Hili Table of Content | Hili fali Automatic Table 1

Sei mosu Indice ne’ebe bazeia ba ita nia dokumentus inkui nia Kapitulu, Sub Kapitulu no sub topiku kada Sub Kapitulu no iha kedas nia numeru Pagina.

Letra Contents ita bele apaga no troka ba Indice

Karik ita halo mudansa ba ita nia dokumentus no iha mudansa mos ba numeru pagina iha ita nia dokunentus laran, ita lalika perkupa tamba ita bele halo Update otomatikamente ho deit Click iha Update Table

Hili fali Update entire table | Click Ok

Mudansa saida deit sei update Otomatikamente.

Maibe kuandu hakarak halo mudansa ba deit nia numeru, hili fali Update page number only