Saida Maka VMware, funsaun no oinsa nia prosesu servisu ?
Kuandu ita buka progama virtualizasaun, mais ou menus ita sei rona programa ida ho naran VMware.
SAIDA MAKA VMWARE ?
WMware hanesan programa vistualizasaun ne'ebe ita uza hodi halo makina virtual / virtual machine. VMware rasik halo no mai husi kompanha programa ida ho naran VMware, Inc iha tinan 1998 iha Palo Alto, California, Estadu Unidos America.
FUNSAUN HUSI VMWARE
Funsaun husi VMware hanesan bele halo virtualizasaun server, komputador, sistema operasaun, aplikasaun, linha/network, ect maske ita uza deit ita nia komputador ida.
VMware fo posibilidade ba ita atu uza no halo komputador ka server virtual iha ita nia komputador ka laptop no bele koko sistema operasaun (SO) seluk iha ita nia komputador maske ita nia komputador iha ona SO no sei la impede ka estraga ita nia SO rasik.
Iha parte Server, Virtualizasaun VMware bele uza hodi maksimiza rekursu ba hardware server. Hafahe server fiziku 1 sai ba Server virtual balu nebe funsiona ho diak
Iha parte uza ba loron-loron nian, virtualizasaun VMware fo benefisiu ba ita atu opera ka halao no uza Sistema Operasaun seluk iha ita nia SO rasik. Exemplo ida, ita nia komputador uza hela SO Windows 10, ita bele uza VMware hodi loke fali SO Linux maske ita nia Windows 10 iha kondisaun lakan hela no WMware ne la hanesan ho modelu dual booting.
Husi funsaun ne'ebe esplika iha leten, WMware fo benefisiu ba ita atu ita bele koko Sistema Operasaun oi-oin ho konseitu virtualizasaun no ita bele aprende vanjagem no desvantajem husi SO ne'e rasik karik ita atu instala no aplika SO ne'e iha ita nia komputador fisiku rasik ka kompanha nian.
PROSESU SERVISU HUSI VMWARE
VMware servisu liu husi halo layer hardware virtual / makina virtual iha komputador / makina fiziku. VMware sei halo sistema rai fatin / storage virtual, CPU virtual, RAM virtual no komponente virtual ne'ebe bai-bain iha hela ita nia komputador laran no depois halo hotu komponente virtual sira ne sai komputador virtual tomak ida.
Layer software ne'ebe hanaran hypervisor maka sei aloka rekursu husi komputador fiziku (host computer) ba komputador virtual tuir nesesidade ne'ebe maka persiza.
Wainhira sistema no makina virtual / virtual hardware instala ho sistema operasaun (Guest OS), entaun sistema operasaun iha makina virtual sei la'o ketak husi sistema operasaun prinsipal.
Kada parte husi makina virtual / virtual hardware ne'ebe iha, ita bele rai no salva ho modelu file ne'ebe ita bele dupla no bele muda ho fasil ba fatin seluk.
Ho esplikasaun iha leten, espera katak wainhira ita uza VMware, ita bele opera utiliza sistema operasaun ho spesifikasaun ne'ebe ita hakarak iha deit komputador fiziku ida nia laran. Karik hakarak uza no koko VMware, bele koko download nia aplikasaun iha karaik :
No karik iha falta barak husi esplikasaun iha leten, bele mos buka referensia seluk ne'ebe karik klaru no kompletu liu.
