Oinsa Uza Tabela Pivot / Pivot Table

September 06, 20180 Comments


Tabela Pivot ka Pivot Table maka Aplikasaun ida iha MS Excel nia laran ne'ebe uza hodi halo resumu ba dadus, halo analisa no explora dadus hodi bele halo ba formatu relatoriu ho modelu tabela.
Funsaun Tabela Pivot ida ne'e uza para dadus ne'ebe atu relata bele fasil para aprezenta tuir nia parametru-parametru nebe fo tuir nesesidade husi dadus rasik no bele halo lalais liu tan atu analiza dadus iha tabela hodi foti desizaun.

Termus no Coisas ne'ebe persija hatene ho hare wainhira halo Tabela Pivot :
  • Kada dadus ne'ebe hakarak muda ba tabela pivot tenki iha cabeçalho / header, ida ne'e bele fo afeita ba dadus kuandu iha linha Cell/ array nebe hili maibe laiha titulu, entaun prosesu halo tabela pivot sei kansela
  • Tabela pivot sei foti linha leten liu iha dadus nian nudar Field nebe sei halo ba Relatoriu.
  • Kuluna ne'ebe subar an / Hide sei mosu fila fali iha field iha lista tabela pivot.
  • Linha nebe subar an sei konta nafatin nia valor kuandu tama iha lista nebe ita hili nudar referensia husi dadus
  • Seleksaun husi tipu dadus / value field settings sei fo impaktu ba resultasu husi dadus ne'ebe fo sai.


Metodu halo Tabela pivot :
wainhira hakarak halo Tabela pivot, ita tenki iha ona modelu husi dadus hodi halo simulasaun. Exemplo modelu ba simulasaun maka bele tuir iha tabela karaik : 



Tuir fali mai : 
  • Klik iha Insert | Klik iha PivotTable | hili no klik PivotTable
  • Sei mosu dialogu box Create PivotTable
  • Iha Select a table or range nia laran, blok tabela Lista Dadus nebe ohin halo ona 
  • Klik iha New Worksheet | Klik Ok
    Resultadu :
  • Pivot Tabel prepara fo sai resultadu
  • Iha area liman los, iha PivotTable Field List, ita bele uza hodi fo sai dadus nebe maka hakarak fo sai. Maneira fo sai dadus, hela klik no fo mosu vistu iha lista nebe hakarak fo sai.
  • Iha PivotTable Field List nia okos iha Drag fields between areas below iha kaixa 4 maka hanesan :  
  1. Report Filter, nia funsaun atu halo klasifikasaun ba dadus nebe atu fo sai
  2. Column Lebels,  nia funsaun atu fo sai dadus ho modelu kuluna ka tesik ba sorin
  3. Row Lebels , nia funsaun atu fo sai dadus ho modelu linha ka tun ba karaik
  4. Value,  nia funsaun atu halo kalkulasaun no konta total dadus iha hira.
  • Maneira uza Drag fields between areas below maka hela dada tama deit field nebe hakarak fo sai iha kaixa laran.