Oinsa Buka Materia / Tugas iha Google ne'ebe Fasil no Lalais

Dala barak wainhira ita hetan tarefas / tugas ruma husi Mestre ka Docente, ita sempre buka nia referensia liu husi Livro, Jurnal no barak liu agora buka nia solusaun no referensia liu husi Internet. Iha internet ita bele buka buat hotu-hotu hodi bele resolve tarefas no problema seluk.

Agora dadauk, Internet liu-liu site Google sai hanesan rekursu ba Refesensia Siensia ne'ebe ema barak uza liu duque Livro tamba fasil no lalais atu halo Copia no la persija tempu naruk atu hakerek fali. Iha Tips no Trick tuir mai, Januario Bernardo Blog sei fo nia maneira oinsa ita bele buka tarefas/Tugas tuma ne'ebe bele direitamente ho formatu dokumentus hanesan Word, Excel, Power Point no PDF.

Antes atu uza maneiras ne'e, ita persija hatene uluk lai extensaun ka modelu husi file ne'ebe maka ita persija atu buka. Extensaun ne'ebe maka ita tenki hatene maka :

• Extensaun File Microsoft Office Word (*.doc / .docx)
• Extensaun File Microsoft Office Excel (*.xls / .xlsx)
• Extensaun File Microsoft Office Power Point (*.ppt / .pptx)
• Extensaun File Portable Document Format (PDF) (*.pdf)

Kuandu hatene ona modelu husi file iha leten, tuir mai nia maneira oinsa buka tarefa ho formatu dokumntus :

• Loke ita nia aplikasaun Browser (Mozilla Firefox /  Crome / ect.) 
• Ba iha site www.google.com ou www.google.tl

 

• Iha Search fatin, Hakerek Materia saida maka ita atu buka
• Depois materia / tarefas nia naran hakerek kontinua ho Filetype: Extensaun husi file ne'ebe ita atu buka. Exemplo hakerek : Aplikasi Komputer Filetype: docx (iha ne'e ita atu buka materia ho naran Aplikasi Komputer ho formatu Microsoft word)

 

• Enter
• Sei mosu resultadu husi materia ne'ebe ita buka ho formatu dokumentus Word

 

• Click iha topiku resultadu husi materia ne'ebe ita buka ohin, sei mosu dialogu ne'ebe haruka ita atu save iha komputador laran. 
• Save hotu tiha, buka file no dokumentus ne'e no loke hodi bele hare, le'e no uza hodi halo tarefas.

 

Fasil no lalais liu.